|
SubscriptionsSites I Read
|
|
|
|
| 愛情尤如二人三足....
在路上,少不免有跌倒的時候.....
要前進,步伐就要一致,但這不是一件易事.....
堅持與放棄都是一個選擇......
「恆久忍耐」才是直奔終點的要訣....
無名指上的光環是勝利的標記,亦代表「你是我的拍檔,從今時,直到永遠」....
| | |
| 29/12
今日同同事去左澳門玩,又在微小的事上經歷到神了~~~
1.今朝我地坐船買10:50普通位ge飛,跟住我地見有船咪早少少去囉~點知頭等有位,我地自動
升級左去頭等,有早餐食,真開心......偷看隔離位的叔叔.....張船飛~我地($134)--->叔叔($224).....
平左90蚊,真係好值得奸笑的~~~感謝主~~~
2.話說去路環食完野,我地見到我地要搭果架巴士,其實佢開左架啦......但佢係附近的迴旋處停
低左.....本身諗住走左咪等下班law,@.@點知友人說要半粒鐘先有車,我同少慧企左係車門度
望住個司機,>3<司機叔叔真係好人啦~~~~佢開門俾我地....佢話「快d啦!呢度唔上得人
架~~~」我俾10個讚佢!!!!!!感謝主~~
上一次來澳門搭巴士的時候,有個陌生人問我地夠唔夠$$,哈哈~~
3. 係大三巴撞返以前返過教會的組員,他還認得我呢~~~
4. 今次又去左一d未去過的地方,食左好多野哦~
5. 走的時候俾我地上到早一班船,很好!!!
6. @.@想起認識蕭生的時候,原來就係上一次來澳門,原來識左都差唔多有半年了~
7. 原來不只我一個什麼都沒做過,hehe~
明天努力~
| | |
| 尋晚有人又攪到我好憤怒!!!!
話說第二天就同同事去澳門玩,佢就叫我幫佢買個袋.....她說想睇下d咩款,叫我上網幫佢搵.....=3=在不太情願之下幫左佢,想要呢個色,呢個又好似唔係咁好呀可?!係咁問.....怕煩的我說「唔好煩我」,仲要係咁問.....\ [] / 自己喜歡咩都唔知架咩?!!說了一大輪還不能給我肯定的答案....
之後,去旅行有人叫你買少少野,其實只是很平常的事情,又要教訓我一輪.....令我煩躁的心情升級「夠啦!唔好再煩我!」
跟住又拿返之前件事黎講,她連發生咩事都唔記得就係度無野搵野黎話我......說了2句就知道跟這個人理論下去都是沒有用的,因為她根本不會承認自己有問題,也不是就那件事去討論,而是隨便找任何一樣弱點來攻擊你......真係想噴火,不過說下去都係無意義,「我都費事同你嘈,都無意思ge...」
之後又說以前都唔係咁,跟住唔知點解又會關返教會事架law~~~我想講如果我唔係俾面耶穌,我真係唔忍你......
以前的我同宜家的我確實是不同,唔同係在於我明白自己的想法同需要更加多,會堅持我的想法......如果在你眼中一味的服從就是好孩子,我寧可你看我比以前差,最起碼我可以肯定「我就是我」.......
你可以話我d野亂放,你可以不明白我在教會的努力,但你唔可以否定我對家人的愛!!!!!!!「我咁都叫對屋企唔好?!」「梗係唔好啦!!」心中真係十萬個不憤,討厭只要有一點的不順意就推翻之前所付出的.....
又了解自己更深,跟上次一樣,眼淚是來自憤怒,而這種憤怒是來自「被冤枉」的感覺......這是繼「被遺棄」的感覺會引起我較大的情緒的東西......
| | |
| 假期話咁快就過左一大半了.....突然想起放假前計劃要做的正經事e.g. 做門訓三功課同檢定,睇牧養書,教案+學習報告,課題點滴,揀相黎曬......玩就玩左好多,但正經事好似一樣都未做過......沉左.......
話咁快,新ge一年又黎啦.....善忘的我記起的事不多......
記起第一次搭飛機,好開心.......重點是「革命成功」,以後出國旅行都方便很多.......
分手,是很大的突破,很大的學習......
攪母親節崇拜,很開心,很溫馨,合作愉快~~~
如火挑旺~堂慶~
在工作上找到同行的人,感謝主.....
平安夜睡衣趴地,很大壓力,不過也很順利哦~感謝主.....
落左初中區.....
見證住很多的人離開....
雖然有風浪,不過都無穿無爛呀~感謝主~新一年,新希望,加油!!
| | |
| 今日同男仔,寶明大佬仲有峰去溜冰......
男哥問: 你估D冰係堅定流ge?
男哥答: d冰係流ge~因為溜冰!!
XD 未入去已經凍死!!!
今日共跌了3次,一次係同峰抄埋一碟,一次係試緊點剎制,一次係唔知點解跌,不過男仔說我跌得很優美的~~~
d哥哥真係好鬼型,好似行路咁,幾鬼瀟灑.....忍不住去問下佢點樣隻手可以唔駛擺來擺去....
好細心,一有人跌低就飛埋去扶起佢地,連甩鞋帶都留意到,真係抵讚!!
好玩!!!觀察下d高手點溜,自己又試下~
跌,其實係過程黎架姐,唔怕樣衰,終有一日都會學識.......
| | |
|
